Durante os días 3, 4 e 5 de outubro de 2013 tivo lugar o
curso “A explotación multifuncional do monte. Contribución ao desenvolvementorural”, organizada pola Universidad Internacional Menéndez Pelayo e o Instituto
de Estudos Miñoranos, na Aula de Cultura Ponte de Rosas, en Gondomar.
Esta actividade congregou á comunidade preocupada polo
futuro dos montes do país -con máis de cincuenta participantes-, que
participaron de nove palestras dirixidas por diversos especialistas
provenientes das tres universidades de Galicia e diversos centros de
investigación.
Neste evento formativo, a Comunidade de Montes de Couso foi
convidada para expoñer o seu modelo de traballo que os organizadores
presentaron como exemplo dunha orientación multifuncional da explotación dos
recursos dos montes en mans común, baixo o título: “MVMC de Couso: Un modelo de
aproveitamento multifuncional do monte”.
A continuación compartimos o vídeo da nosa intervención así
como o conxunto de achegas desenvolvidas durante o curso e recollidas na web do
Instituto de Estudos Miñoranos.
Ningún comentario:
Publicar un comentario