Anti-lume: Poda, monda e desbroza nos montes de San Cristovo de Couso – Gondomar

Veciñas e veciños de Couso participantes nos traballos de desbroza

Nestes días están a rematar os traballos de prevención contra incendio nos montes da parroquia. Veciñas e veciños comuneiros traballaron arreo de xeito voluntario na poda, monda e desbroza que permite ter limpos estes espazos naturais e de cultivo que administra a Comunidade de Montes de Couso. Neste vídeo, xentileza de Gondomar.tv , veciños e comuneiros cóntanos a experiencia vivida nestes días de labor comunitaria.